పోటీ చేయడం డిఎస్ రాజకీయ ఆత్మహత్య: హరీష్ రావు

హైదరాబాద్: ఉప ఎన్నికల్లో పోటీ చేయాలని అనుకోవడం ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ రాజకీయంగా ఆత్మహత్యకు పాల్పడడమేనని తెలంగాణ రాష్ట్ర సమితి (తెరాస) నాయకుడు హరీష్ రావు వ్యాఖ్యానించారు. ఉప ఎన్నికల్లో తనను గెలిపిస్తే తెలంగాణను తెస్తానని డిఎస్ అనడం హాస్యాస్పదంగా ఉందని ఆయన బుధవారం మీడియా ప్రతినిధులతో అన్నారు. డిఎస్ మాటలను ప్రజలు నమ్మబోరని ఆయన అన్నారు.

జస్టిస్ శ్రీకృష్ణ కమిటీకి డిఎస్ నివేదిక కూడా ఇవ్వలేకపోయారని, అటువంటి డిఎస్ తెలంగాణ ఏడాది లోగా తెలంగాణ తెస్తానంటే ప్రజలు విశ్వసించబోరని ఆయన అన్నారు. తెలంగాణ ఇస్తామని కాంగ్రెసు అధ్యక్షురాలు సోనియా గాంధీతో, ప్రధాని డాక్టర్ మన్మోహన్ సింగ్ తో డిఎస్ చెప్పించగలరా అని ఆయన ప్రశ్నించారు.