అఫ్జల్ గురుకు మరణ శిక్షకే హోం శాఖ సిఫార్సు

న్యూఢిల్లీ: పార్లమెంటుపై దాడికేసులో ఉరిశిక్ష పడిన అఫ్జల్‌గురు పెట్టుకున్న క్షమాభిక్ష పిటిషన్‌ను హోంమంత్రిత్వశాఖ తోసిపుచ్చింది. 2001లో పార్లమెంటుపై ఉగ్రవాదుల ఆత్మాహతి దాడి జరిగింది. ఈ దాడికి సహకరించిన అఫ్జల్‌గురుకు 2002లో సెషన్స్‌ కోర్టు విధించిన మరణశిక్షను 2005లో సుప్రీంకోర్టు ఖరారు చేసింది. తన భర్తకు క్షమాభిక్ష పెట్టాలంటూ అఫ్జల్‌గురు భార్య రాష్ట్రపతికి పిటిషన్‌ పెట్టుకుంది. దీనిపై హోంమంత్రిత్వశాఖ అభిప్రాయాన్ని రాష్ట్రపతి కోరారు. నేరం కుట్రపూరితంతో ఉన్నందున క్షమాభిక్షకు గురు అర్హుడు కాదంటూ హోంమంత్రిత్వశాఖ పిటిషన్‌ను తోసిపుచ్చింది.

హోం మంత్రిత్వ శాఖ క్షమాభిక్ష పిటిషన్ ను తోసిపుచ్చుతూ సిఫార్సు చేయడంతో ఇప్పుడు అఫ్జల్ గురు జాతకం రాష్టపతి ప్రతిభా పాటిల్ చేతిలో ఉంది. అఫ్జల్ గురును ఉరి తీయడంలో యుపిఎ ప్రభుత్వం అలసత్వం ప్రదర్సిస్తోందని బిజెపి చాలా కాలంగా విమర్శలు గుప్పిస్తూ వస్తోంది.