వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

తిరుమలలో అర్ధరాత్రి అగ్ని ప్రమాదం, షాపులు దగ్ధం

By Santaram
|
Google Oneindia TeluguNews

Tirumala
తిరుమల: తిరుమలలో విద్యుత్‌ షార్ట్‌సర్క్యూట్‌ కారణంగా అగ్ని ప్రమాదం సంభవించింది. బుధవారం అర్ధరాత్రి జరిగిన ఈసంఘటనతో భక్తులు ఉలిక్కిపడి పరుగులు తీశారు. లేపాక్షి ఎంపోరియం ఎదురుగా ఉన్న ఎస్వీ షాపింగ్‌ కాంప్లెక్స్‌ మొదటి అంతస్తులో 106 నుంచి 111 నెంబరు గల దుకాణాలు పూర్తిగా కాలిపోయాయి. కొంత సమయానికి అగ్నిమాపక సిబ్బంది అక్కడికి చేరుకుని మంటలను అదుపులోకి తెచ్చారు. ఈ మంటలతో కొందరు వ్యాపారులు అరుపులు కేకలు వేస్తూ పరుగులు పెట్టారు.

ఈ శబ్దానికి సమీపంలోని షెడ్డుల్లో నిద్రిస్తున్న వందలాది మంది భక్తులు ఉలిక్కిపడి లేచి భయంతో పరుగులుతీశారు. చిన్న పిల్లలు కేకలు వేశారు. ఈ ఏడాది ఇదే తరహాలో రెండు ప్రమాదాలు జరిగాయి. ఇదే షాపింగ్‌ కాంప్లెక్స్‌లో ఫిబ్రవరి 21 తెల్లవారు జామున ప్రమాదం జరుగగా, మరొకటి మార్చి 1న రాత్రి కేంద్రీయ విచారణ కార్యాలయం(సీఆర్వో) ఎదుట దుకాణ సముదాయంలో మంటలు సంభవించి పలు దుకాణాలు దగ్ధమయ్యాయి. ఈ మూడు ప్రమాదాలు కూడా విద్యుత్‌ షార్ట్‌ సర్క్యూట్‌ కారణంగానే జరిగాయి. దుకాణదారులు తగు జాగ్రత్తలు తీసుకోకపోవడం, తితిదే విద్యుత్‌ విభాగం నిర్లక్ష్యం కారణంగా ప్రమాదాలు తరచూ సంభవించడంతో పాటు భక్తులను భయకంపితులను చేస్తున్నాయి.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X