యువతిపై హత్యాయత్నం చేసిన అనిల్ అనుమానాస్పద మృతి

ఆదిలాబాద్‌: తన ప్రేమను నిరాకరించిందన్న కోపంతో యువతిపై దాడికి పాల్పడి పరారైన ఉన్మాది అనిల్‌ అనుమానాస్పద స్థితిలో మృతి చెందాడు. దాడికి పాల్పడిన అనంతరం అనిల్‌ మంచిర్యాలలో రైలుకింద పడి ఆత్మహత్య చేసుకున్నాడు. సమాచారం అందుకున్న పోలీసులు ఘటనా స్థలానికి చేరుకుని మృతదేహాన్ని స్వాధీనం చేసుకున్నారు.

కాగా దాడిలో తీవ్రంగా గాయపడిన బాధిత మహిళ పరిస్థితి ప్రస్తుతం నిలకడగా ఉన్నట్లు వైద్యులు తెలిపారు. ఈదాడిలో గాయపడిన మరో యువతికి కూడా చికిత్స జరుగుతోంది. అనిల్ నిజంగా ఆత్మహత్య చేసుకున్నాడా, పోలీసుల నకిలీ ఎన్ కౌంటర్ లో మరణించాడా అన్నది చర్చనీయాంశమైంది.