వృద్ధాప్య, వికలాంగ పించన్లు పెంచే యోచన: రోశయ్య

హైదరాబాద్: నిరుపేదల సంక్షేమం కోసం ప్రభుత్వం పనిచేస్తోందని, భవిష్యత్‌లో వికలాంగ, వృద్ధాప్య ఫించన్లు పెంచే విషయాన్ని ఆలోచిస్తున్నట్లు ముఖ్యమంత్రి రోశయ్య వెల్లడించారు. క్యాంపు కార్యాలయంలో తనను కలిసేందుకు వచ్చిన ఫిల్మ్‌నగర్‌ బస్తీవాసులనుద్దేశించి ముఖ్యమంత్రి ప్రసంగించారు.

ఆక్రమణల్లో తమ భూమి పోతుందేమోనని భయాందోళనకు గురవుతున్న బస్తీవాసులకు సీఎం భరోసా కల్పించారు. ప్రైవేటు వ్యక్తుల చేతుల్లోకి వెళ్లకుండా న్యాయపరమైన చర్యలు తీసుకుంటామని అన్నారు. ప్రభుత్వం సక్రమంగా పనిచేస్తున్నా కొన్ని శక్తులు దుష్ప్రచారం చేస్తున్నాయని ఆయన ఈ సందర్భంగా అన్నారు.