వణికిస్తున్న స్వైన్ ఫ్లూ: హైద్రాబాద్ లో మహిళ మృతి

హైదరాబాద్‌: ప్రాణాంతక వ్యాధి స్వైన్‌ ఫ్లూ రాష్ట్ర వాసులను కలవర పెడుతోంది. స్వైన్‌ఫ్లూ బారిన పడి చనిపోతున్న వారి సంఖ్య పెరుగుతుండడంతో ప్రజలు ఆందోళన చెందుతున్నారు. ఈ వ్యాధి మరో మహిళను బలిగొంది. స్వైన్‌ఫ్లూ వ్యాధితో గాంధీ ఆస్పత్రిలో చేరిన వాణి(28) అనే మహిళ గురువారం మృతిచెందారు. మృతురాలు మహబూబ్‌నగర్‌ జిల్లా వాసి.

విశాఖపట్నంలో స్వైన్ ఫ్లూ అనుమానంతో 8 మంది స్క్రీనింగ్ కేంద్రాల్లో పరీక్షలు చేయించుకున్నారు. వీరిని పరీక్షించిన వైద్యులు.. ఆరుగురిని 'ఏ' కేటగిరీగా, బీ, సీ కేటగిరీల్లో ఒక్కొక్కరున్నట్టు గుర్తించారు. సీ కేటగిరీగా గుర్తించిన 21 ఏళ్ల యువకుడు ఇటీవల ఈ వ్యాధితో మరణించిన అప్పన్న ఇంటి పరిసరాల్లో నివసిస్తున్న వ్యక్తి కావడం గమనార్హం. ఆయన నుంచి నమూనాలు సేకరించి పరీక్షల కోసం హైదరాబాద్‌కు పంపించారు. ముందు జాగ్రత్తగా విశాఖ ఛాతీ ఆస్పత్రిలో ఆయనకు చికిత్స అందిస్తున్నారు.