కె చంద్రశేఖర రావు కన్నా ముందే నేను తెలంగాణవాదిని: డిఎస్

నిజామాబాద్: తెలంగాణ రాష్ట్ర సమితి (తెరాస) అధ్యక్షుడు కె చంద్రశేఖర రావు కన్నా ముందే తాను తెలంగాణవాదిని అని ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ చెప్పుకున్నారు. తెలంగాణ రాష్ట్ర ఏర్పాటులో కాస్తా జాప్యం జరిగిందని, తెలంగాణ రాష్ట్రం ఏర్పడుతుందనే నమ్మకం తనకు ఉందని ఆయన మంగళవారం అన్నారు. డిసెంబర్ లో తెలంగాణకు అనుకూలంగా శ్రీకృష్ణ కమిటీ నివేదిక ఇస్తుందని ఆయన చెప్పారు.

తనకు పదవుల కన్నా తెలంగాణ రాష్ట్ర సాధనే ముఖ్యమని ఆయన చెప్పారు. దేశంలో కులాలు, మతాలు ఉన్నంత వరకు కులాల గురించి చెప్పుకోవడంలో తప్పు లేదని ఆయన అన్నారు. తన అభివృద్ధిలో మున్నూరు కాపులు కూడా బాగమేనని ఆయన అన్నారు.