హైదరాబాదులో మగవాళ్లకు ఆడవాళ్ల మసాజ్ నిషేధం

హైదరాబాద్: హైదరాబాదు నగరంలో మగవాళ్లకు ఆడవాళ్లతో మసాజ్ చేయించడాన్ని జులై 1వ తేదీ నుంచి నిషేధిస్తున్నట్లు నగర పోలీసు కమిషనర్ ఎకె ఖాన్ చెప్పారు. మగవాళ్లకు మగవాళ్ల చేత, ఆడవాళ్లకు ఆడవాళ్ల చేత మాత్రమే మసాజ్ చేయించాలని ఆయన ఆదేశించారు. మసాజ్ సెంటర్ల యజమానులపై, మసాజ్ సెంటర్లకు భవనాలను అద్గెకిచ్చినవారిపై కఠిన చర్యలు తీసుకుంటామని ఆయన మంగళవారం చెప్పారు.

బార్లలో నృత్యాలను, పాటలను కూడా నిషేధిస్తున్నట్లు ఆయన తెలిపారు. మసాజ్ సెంటర్ల ముసుగులో వ్యభిచారం నడుస్తుందనే ఆరోపణలు వెల్లువత్తడం, వ్యభిచారం నడిపిస్తూ పలువురు పట్టుబడడం వంటి సంఘటనలు జరిగాయి. దీన్ని అరికట్టడానికి పోలీసులు ఉక్కుపాదం మోపేందుకు సిద్ధపడ్డారు. పశ్చిమ జోన్ లో 31 మంది యువతులను అరెస్టు చేసినట్లు ఖాన్ చెప్పారు.