సత్యం రామలింగ రాజు వైద్యంపై 17వ తేదీన నిర్ణయం

హైదరాబాద్‌: సత్యం కంప్యూటర్స్ కుంభకోణంలో ప్రధాన నిందితుడు రామలింగ రాజుకు తదుపరి వైద్యం కొనసాగించాలా, వద్దా అనే విషయంపై ఈ నెల 17వ తేదీన వచ్చే నివేదికను బట్టి తెలుస్తుందని నిజాం వైద్య విజ్ఞాన సంస్థ (నిమ్స్) వైద్యులు చెప్పారు. సత్యం రామలింగరాజును వీడియో కాన్ఫరెన్స్ ద్వారా విచారించాలనే విషయంపై హైదరాబాదులోని నాంపల్లి కోర్టులో గురువారం వాదప్రతివాదనలు జరిగాయి.

రామలింగ రాజు ఆరోగ్య పరిస్థితిపై నిమ్స్ వైద్యులు కోర్టుకు నివేదిక అందజేశారు. కేసు విచారణను కోర్టు శుక్రవారానికి వాయిదా వేసింది. అనారోగ్యంతో బాధపడుతున్న రామలింగ రాజు నిమ్స్ లో వైద్య చికిత్స జరుగుతోంది. కోర్టు రాలేని స్థితిలో రామలింగ రాజు ఆరోగ్య పరిస్థితి ఉందని వైద్యులంటున్నారు.