ఎన్నికల సంఘానికి అడ్డంగా దొరికిన విజయశాంతిపై కేసు

హైదరాబాద్: ఎన్నికల సంఘం ఆదేశాల ప్రకారం తెలంగాణ రాష్ట్ర సమితి (తెరాస) పార్లమెంటు సభ్యురాలు, సినీనటి విజయశాంతిపై పోలీసులు సుమోటోగా గురువారం కేసు నమోదు చేశారు. తెలంగాణకు అడ్డొస్తే అడ్డంగా నరికేస్తామని విజయశాంతి మీడియా ప్రతినిధుల సమావేశంలో మాట్లాడినట్లు వార్తలు వచ్చాయి. దీనిపై ఎన్నికల సంఘం ప్రతిస్పందించింది.

మాటలతో ప్రజలను రెచ్చగొట్టే వ్యాఖ్య చేసినందుకు ఆమెపై కేసు నమోదు చేయాలని ఈసీ ఆదేశించింది. ఈ మేరకు ఆమె చేసిన వ్యాఖ్యలపై కేసు నమోదు చేయాలని హైదరాబాద్‌లో టీఆర్ఎస్ రాష్ట్ర కార్యాలయం ఉన్న బంజారాహిల్స్ పోలీసులను పోలీసు కమిషనర్ ఏకే ఖాన్ ఆదేశించారు. దీంతో గురువారం రాత్రి పోలీసులు విజయశాంతిపై ఐపీసీ 505(2), 153(ఎ) సెక్షన్‌ల కింద కేసు నమోదు చేశారు.