రెచ్చగొట్టే వ్యాఖ్యలకు కాంగ్రెసు ఎమ్మెల్యే జగ్గారెడ్డి అరెస్టు

హైదరాబాద్: కాంగ్రెసు సంగారెడ్డి శాసనసభ్యుడు తూర్పు జయప్రకాష్ రెడ్డి అలియాస్ జగ్గారెడ్డిని పోలీసులు అరెస్టు చేశారు. రెచ్చగొట్టే వ్యాఖ్యలు చేసినందుకు మెదక్ జిల్లా పోలీసులు శనివారంనాడు హైదరాబాదులోని సిద్ధార్థనగర్ లో జగ్గారెడ్డిని అరెస్టు చేశారు. పోలీసులు జగ్గారెడ్డి నివాసానికి వెళ్లి ఆయనను అరెస్టు చేశారు.

జగ్గారెడ్డిని పోలీసులు మెదక్ కు తరలిస్తున్నారు. ఆయనను మెదక్ లో మెజిస్ట్రేట్ ముందు హాజరు పరుస్తారు. జగ్గారెడ్డి తెలంగాణ రాష్ట్ర సమితి (తెరాస) నాయకుడు హరీష్ రావుపై తీవ్ర వ్యాఖ్యలు చేశారు. ఈ వ్యాఖ్యలపై ఇసి ఆయనకు నోటీసు జారీ చేసింది. పోలీసులు ఆయనను శనివారం ఉదయం చేశారు. జగ్గారెడ్డి వ్యాఖ్యలను టేపుల్లో పరిశీలిస్తామని ఎన్నికల ప్రధానాధికారి ఐవి సుబ్బారావు చెప్పారు.