భక్తులతో కిటకిటలాడుతున్న కలియుగ వైకుంఠం

తిరుమల: కలియుగ వైకుంఠం తిరుమల భక్తులతో కిటకిటలాడుతోంది. దేవదేవుని దర్శనానికి వేలాదిమంది భక్తులు తరలిరావడంతో క్యూకాంప్లెక్స్‌లోని 31 కంపార్టుమెంట్లు నిండిపోయాయి. భక్తుల రాక ఎక్కువగా ఉండటంతో మహాలఘు దర్శనాన్ని అమలు చేస్తున్నారు. సర్వదర్శనానికి 13 గంటలు, శీఘ్రదర్శనానికి 6 గంటలు పడుతోంది.

ఇలా ఉండగా తిరుచానూరు శ్రీ సుందరరాజస్వామి అవతారోత్సవాల్లో భాగంగా శనివారం రాత్రి 7.15 గంటలకు స్వామివారు హనుమంత వాహనంపై పురవీధులలో విహరిస్తూ భక్తులను కటాక్షించారు. ఇందులో భాగంగా స్వామి వారిని వేకువనే సుప్రభాతంతో మేల్కొల్పి ప్రత్యేక పూజలు నిర్వహించారు.