ఎన్నికల సంఘానికి విజయశాంతి తనదైన వాదన

హైదరాబాద్‌: సినీనటి, ఎంపి విజయశాంతి నాటకీయ ఫక్కీలో వ్యవహరిస్తున్నారు. తెలంగాణ భవన్‌ లో తానుచేసిన వ్యాఖ్యలు ఎన్నికల ప్రవర్తనా నియమావళి కిందకు రాదని ఎన్నికల సంఘానికి ఇచ్చిన వివరణలో మెదక్‌ ఎంపీ విజయశాంతి తెలిపారు. తన వ్యాఖ్యలలో ఎటువంటి తప్పులేదని ఆమె తెలిపారు. ఇతర ప్రాంతాల వారిని కించపరచాలన్న ఉద్దేశం తనకులేదన్నారు.

హైదరాబాద్ ‌లో ఈ వ్యాఖ్యలు చేశానని ఇక్కడ కోడ్‌ అమల్లో లేదని ఆమె తన వివరణలో పేర్కొన్నారు. కవి కాళోజీ వ్యాఖ్యలను తాను ఉటంకించినట్టు ఆమె ఈసీకి పంపిన ఫ్యాక్స్‌లో తెలిపారు. మెదక్‌ జిల్లా పార్టీ అధ్యక్షుడు, న్యాయవాది అయిన రఘునందనరావు ద్వారా తన వివరణను విజయశాంతి ఎన్నికల సంఘానికి పంపారు.