సికింద్రాబాదులో నడిరోడ్డుపై డాక్టర్ ఆత్మహత్యాయత్నం

హైదరాబాద్: సికింద్రాబాదులోని చిలకలగుడాలో ఓ డాక్టర్ నడిరోడ్డుపై మంగళవారం ఆత్మహత్యాయత్నానికి ప్రయత్నించాడు. తన వద్ద గల లైసెన్స్ తుపాకితో కణతలపై కాల్చుకుని అతను ఆత్మహత్యకు ప్రయత్నించాడు. అతన్ని వెంటనే మెడిసిటీ ఆస్పత్రికి తరలించారు. అతని పరిస్థితి ఆందోళనకరంగా ఉంది. సన్నిహిత మిత్రులు పనిచేస్తుండడంతో అతన్ని మెడిసిటీలో చేర్చారు.

డాక్టర్ ఆత్మహత్యాయత్నానికి కారణాలు తెలియరాలేదు. ఆస్పత్రి వద్ద అతని సన్నిహితులు ఈ విషయంపై నోరు విప్పడం లేదు. కుటుంబ కలహాలు గానీ ఆర్థిక ఇబ్బందులు గానీ అతని అత్మహత్యాయత్నానికి కారణమై ఉండవచ్చునని భావిస్తున్నారు. ఈ సంఘటన స్థానికంగా సంచలనం సృష్టించింది.