వైయస్ జగన్ యాత్రకు నేను అడ్డంకి కాదు: రోశయ్య

హైదరాబాద్‌: వైయస్ జగన్ యాత్రకు తాను అడ్డు కాదని ముఖ్యమంత్రి రోశయ్య స్పష్టం చేశారు. పీసీసీ ప్రధాన కార్యదర్శి అంబటి రాంబాబు వ్యాఖ్యలను ఆయన ఖండించారు. సీఎల్పీ కార్యాలయంలో ఆయన గురువారం అంబటి వ్యాఖ్యలను ప్రస్తావిస్తూ తానెప్పుడూ పుట్టినరోజు వేడుకలు చేసుకోలేదన్నారు. అటువంటి తాను ఘనంగా బర్త్‌డే వేడుకలు చేసుకున్నానని అంబటి వ్యాఖ్యానించటం తనను బాధించాయన్నారు.

వైఎస్‌ జగన్‌ ఓదార్పు యాత్రను అడ్డుకోవటం తన అభిమతం కాదన్నారు. అనవసరంగా తనను ఇందులో ఇరికిస్తున్నారని ఆయన అన్నారు. తనపై విమర్శలు వస్తుంటే మీరెందుకు స్పందించటంటూ మంత్రులు, ఎమ్మెల్యేలను ముఖ్యమంత్రి ప్రశ్నించారు. అయితే ఇది సమయం కాదంటూ ఎమ్మెల్సీ పొంగులేటి సుధాకర్ రెడ్డి అన్నారు.