విశాఖలో అపార్ట్‌ మెంట్‌ పై నుంచి దూకి దొంగ మృతి

విశాఖపట్నం: విశాఖపట్నంలో ఆదివారం మధ్యాహ్నం సెల్ టవర్‌ బాగు చేయడానికి వచ్చామని చెప్పి ముగ్గురు వ్యక్తులు దొంగతనానికి పాల్పడ్డారు. బిపిన్, రంజిత్ ఇంకా మరో వ్యక్తి కలిసి బైక్‌ లపై రిలయన్స్ కేబుల్ వైర్లతో తాము టవర్ మరమ్మత్తులు చేయడానికి వచ్చామని చెప్పి, దర్జాగా విశాఖలోని ఒక అపార్ట్ మెంట్‌లోకి ప్రవేశించారు.

తమను ఎవరూ గమనించలేదని, ఇదే అనువుగా భావించిన వాళ్లు ఒక ఇంట్లో చోరీ చేసి బయట పడుతుండగా స్థానికులు గమనించి వెంట పడడంతో, దిక్కులేని పరిస్థితిలో మేడ పైనుంచి దూకి ఒకతను చనిపోగా,ఒక దొంగను స్ధానికులు పట్టుకున్నారు. మరో దొంగ పరారయ్యాడు.