మహారాష్ట్రలో కౌంటర్ నిరసనలు: చంద్రబాబు గన్ మన్ అరెస్టు

నాందేడ్: తెలుగుదేశం పార్టీ అధ్యక్షుడు నారా చంద్రబాబు నాయుడికి వ్యతిరేకంగా మహారాష్ట్రలో సోమవారం కౌంటర్ నిరసనలు ప్రారంభమయ్యాయి. చంద్రబాబు శవయాత్రను నిర్వహించి, దిష్టిబొమ్మను దగ్ధం చేశారు. చంద్రబాబు గోబ్యాక్ అంటూ నినాదాలు చేశారు. చంద్రబాబు సహా తెలుగుదేశం నాయకుల జ్యుడిషియల్ కస్టడీ ముగుస్తుండడంతో ధర్మాబాద్ లోని ఐటిఐ కళాశాల వద్ద భారీగా పోలీసులను మోహరిస్తున్నారు.

ఐటిఐ కళాశాల నుంచి తెలుగుదేశం నాయకుల గన్ మెన్ ను బయటకు పంపిస్తున్నారు. చంద్రబాబు గన్ మన్ ను మహారాష్ట్ర పోలీసులు అదుపులోకి తీసుకున్నారు. చంద్రబాబు సహా తెలుగుదేశం నాయకులను జైలుకు తరలించే అవకాశాలున్నట్లు ప్రచారం జరుగుతోంది.