హరికృష్ణను అరెస్టు చేసిన ఆంధ్రప్రదేశ్ పోలీసులు

ఆదిలాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడు, ఇతర ప్రజాప్రతినిధులను పరామర్శించడానికి బయలుదేరిన రాజ్యసభ సభ్యుడు హరికృష్ణను పోలీసులు సోమవారం అరెస్టు చేశారు. తొలుత పోలీసులు బాసర వంతెన వద్ద అడ్డుకున్నారు. దీంతో మహారాష్ట్ర పోలీసులతో హరికృష్ణ వాగ్వివాదానికి దిగారు. కొద్దిసేపటి తర్వాత ఆయనను మహారాష్ట్ర పోలీసులు అనుమతించారు.

మహారాష్ట్ర పోలీసుల అనుమతితో ముందుకు సాగిన హరికృష్ణను ఆదిలాబాద్ పోలీసులు యెంచి వద్ద అరెస్టు చేశారు. ఆయనను నవీపేట పోలీసు స్టేషనుకు తరలించారు. మహారాష్ట్ర పోలీసులు అనుమతించినా మన రాష్ట్ర పోలీసులు తనను అరెస్టు చేయడం దురదృష్టకరమని ఆయన అన్నారు. ప్రజాప్రతినిధులను పరామర్శించడానికి వెళ్తున్న తనను అరెస్టు చేయడం గర్హనీయమని ఆయన అన్నారు. స్వేచ్ఛను పోలీసులు కాలరాస్తున్నారని ఆయన అన్నారు.