జగన్ ఎప్పటికీ ఒంటరివాడు కాడు: వైయస్ జగన్ మాట

రాజమండ్రి: ప్రజల ఆదరణ, ఆప్యాయత ఉన్నంత కాలం జగన్ ఎప్పటికీ ఒంటరి వాడు కాడని కాంగ్రెసు కడప పార్లమెంటు సభ్యుడు వైయస్ జగన్ అన్నారు. తన ఓదార్పు యాత్రలో భాగంగా ఆయన సోమవారం తూర్పు గోదావరి జిల్లా పూలపల్లి గ్రామంలో దివంగత నేత వైయస్ రాజశేఖర రెడ్డి విగ్రహాన్ని ఆవిష్కరించారు. పూలమాల వేసి నివాళులు అర్పించారు. అనంతరం ఆయన ప్రజలను ఉద్దేశించి ప్రసంగించారు. వైయస్ రాజశేఖర రెడ్డి మరణించలేదని, ప్రజల గుండెల్లో ఉన్నాడని ఆయన అన్నారు.

తండ్రి మరణంతో అండదండలు పోయాయని, ఒంటరివాడు అయిపోయాడన్న వారి మాటలకు ప్రజల ప్రేమ, అభిమానమే సమాధానం చెబుతుందని ఆయన అన్నారు. అంతకు ముందు జగన్ పోతుల తిరుపతిరెడ్డి కుటుంబాన్ని పరామర్శించారు. తిరుపతిరెడ్డి కుటుంబ సభ్యులకు అండగా ఉంటామని ఆయన చెప్పారు.