మేం టెర్రరిస్టులం కాదు, బెయిల్ తీసుకోను: చంద్రబాబు నాయుడు

ధర్మాబాద్: తాము తీవ్రవాదులం కాదని, బాబ్లీ ప్రాజెక్టులను చూడాల్సిందేనని తెలుగుదేశం పార్టీ అధ్యక్షుడు నారా చంద్రబాబు నాయుడు మెజిస్ట్రేట్ తో అన్నారు. జ్యుడిషియల్ కస్టడీ ముగియడంతో మెజిస్ట్రేట్ సోమవారం చంద్రబాబును, ఇతర నాయకులను విచారించారు. బెయిల్ తీసుకోవడానికి చంద్రబాబు మరోసారి నిరాకరించారు. బెయిల్ తీసుకుని వెనక్కి వెళ్లిపోవాలని మెజిస్ట్రేట్ చేసిన సూచనను తిరస్కరిస్తూ తాము బాబ్లీని చూసే తిరిగి వెళ్తామని ఆయన అన్నారు. చంద్రబాబుకు, ఇతర నాయకులకు మెజిస్ట్రేట్ రిమాండ్ పొడగించారు.

కాగా, చంద్రబాబుకు వివిధ పార్టీల జాతీయ నేతలు మద్దతు ప్రకటించారు. సీతారాం ఏచూరి, ఎబి బర్దన్, శరద్ యాదవ్, అజిత్ సింగ్ చంద్రబాబుకు మద్దతు తెలిపారు. చంద్రబాబును విడుదల చేయాలని, బాబ్లీని చూసేందుకు అనుమతి ఇవ్వాలని వారు ప్రభుత్వాన్ని డిమాండ్ చేశారు.