చంద్రబాబుకు మోహన్ బాబు మద్దతు: మహారాష్ట్ర తీరుపై ఆగ్రహం

హైదరాబాద్: తెలుగుదేశం పార్టీ అధ్యక్షుడు నారా చంద్రబాబునాయుడు బాబ్లీ పోరుకు సినీ నటుడు మోహన్ బాబు మద్దతు తెలిపారు. తెలుగుదేశం పార్టీ నాయకుల పట్ల మహారాష్ట్ర పోలీసులు వ్యవహరిరస్తున్న తీరు హేయమైందని మోహన్ బాబు అన్నారు. ఆంధ్రుల ఆత్మగౌరవాన్ని మహారాష్ట్ర పోలీసులు కించపరిచారని ఆయన మంగళవారం విమర్శించారు. ఆత్మగౌరవాన్ని కాపాడుకోవడానికి ఆంధ్రులు మేల్కోవాల్సిన అవసరం ఉందని ఆయన అన్నారు.

చంద్రబాబు బృందంపై మహారాష్ట్ర పోలీసులు వ్యవహరించిన తీరుపై ప్రజారాజ్యం పార్టీ నాయకుడు కోటగిరి విద్యాధరరావు కూడా ఆగ్రహం వ్యక్తం చేశారు. తెలుగుజాతి ఆత్మగౌరవాన్ని మహారాష్ట్ర పోలీసులు దెబ్బ తీశారని, తెలుగుజాతి ఒక్కటి కావాల్సిన అవసరం ఉందని ఆయన అన్నారు. తెలుగుదేశం ప్రజాప్రతినిధులపై మహారాష్ట్ర పోలీసులు జరిపిని లాఠీచార్జీని బిజెపి సీనియర్ నేత ఎం వెంకయ్యనాయుడు ఖండించారు.