• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

టిడిపి నేతలపై లాఠీచార్జీని ఖండించిన సిఎం రోశయ్య

By Pratap
|

Rosaiah
హైదరాబాద్‌: ధర్మాబాద్‌లో తెలుగుదేశం పార్టీ నేతలపై లాఠీఛార్జిని ముఖ్యమంత్రి రోశయ్య ఖండించారు. ధర్మాబాద్‌ ఘటనను నిరసిస్తూ ప్రభుత్వ ఆస్తులకు నష్టం కలిగించొద్దని రోశయ్య విజ్ఞప్తి చేశారు. బాబ్లీ సమస్య పరిష్కారానికి ప్రభుత్వం చిత్తశుద్ధితో పనిచేస్తుందని అన్నారు. ధర్మాబాద్ లో తెలుగుదేశం పార్టీ నాయకులపై దాడి జరిగి ఉంటే దాన్ని ఖండిస్తున్నానని హోం మంత్రి సబితా ఇంద్రారెడ్డి అన్నారు. ధర్మాబాద్ సంఘటనపై నివేదికను తెప్పించుకుంటున్నట్లు ఆమె తెలిపారు. ఏం జరిగిందో తనకు పూర్తిగా తెలియదని ఆమె అన్నారు.

ధర్మాబాద్‌లో తెలుగుదేశం నేతలపై మహారాష్ట్ర పోలీసులు చేసిన లాఠీఛార్జిని ఆరోగ్యశ్రీ శాఖ మంత్రి పితాని సత్యనారాయణ ఖండించారు. మహారాష్ట్ర పోలీసుల దురుసు ప్రవర్తన కారణంగా తెలుగువారి ఆత్మగౌరవం దెబ్బతిందని మంత్రి అభిప్రాయపడ్డారు. టిడిపి నేతల ఆరోగ్య పరిస్థితి పరిరక్షించేందుకు రాష్ట్ర ప్రభుత్వం తరఫున వైద్య బృందాన్ని పంపినట్లు మంత్రి వెల్లడించారు. వైద్య పరీక్షల నివేదికలు ఇంకా అందాల్సి ఉందని ఆయన తెలిపారు. బాబ్లీ అంశంపై ఈనెల 23న ప్రధానిని కలవనున్న అఖిలపక్ష సమావేశంలో టిడిపి కూడా పాల్గొనాలని ఆయన కోరారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X