• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణ ఉప ఎన్నికల్లో చంద్రబాబుకు లాభించేనా?

By Pratap
|

Chandrababu Naidu
హైదరాబాద్: బాబ్లీ ప్రాజెక్టుకు చేపట్టిన బస్సు యాత్ర ద్వారా మహారాష్ట్ర అక్రమాన్ని ఎండగట్టడంలో తెలుగుదేశం పార్టీ అధ్యక్షుడు నారా చంద్రబాబు నాయుడు విజయం సాధించారు. మూడు రోజుల పాటు చంద్రబాబు సహా తెలుగుదేశం నాయకులు శారీరక, మానసిక హింసకు గురయ్యారు. అయితే ఈ కష్టం తెలంగాణ ఉప ఎన్నికల్లో తెలుగుదేశం పార్టీకి లాభిస్తుందా అనేది ఇప్పుడు చర్చనీయాంశంగా మారింది. తెలంగాణలో జరుగుతున్న ఉప ఎన్నికల్లో ప్రచారం చేయలేని చంద్రబాబు, తెలుగుదేశం నాయకులు బాబ్లీ పోరు ద్వారా దొడ్డిదారి ప్రచారానికి పూనుకున్నారనే విమర్శ వినిపిస్తోంది. ఈ విమర్శలో నిజం లేకపోలేదు. నిజానికి, ఉప ఎన్నికల ప్రచారం ముగిసే వరకు బాబ్లీ పోరులో మహారాష్ట్రలోనే చంద్రబాబు సహా తెలుగుదేశం నాయకులు కాలం వెళ్లబుచ్చుతారని అనుకున్నారు. కానీ, మహారాష్ట్ర ప్రభుత్వం దానికి ముందే కేసులను ఉపసంహరించుకుని తెలుగుదేశం నాయకులను బలవంతంగా హైదరాబాదు పంపించేసింది.

చంద్రబాబు బాబ్లీ పోరు వల్ల తెలంగాణ రాష్ట్ర సమితి (తెరాస), కాంగ్రెసు పార్టీలు కొంత గందరగోళానికి గురయ్యాయి. చంద్రబాబు బాబ్లీ పోరును విమర్శించేందుకు తగిన పునాది ఆ పార్టీలకు లభించలేదు. అప్పటికీ కొంత ప్రయత్నం చేసినప్పటికీ మహారాష్ట్ర ప్రభుత్వ ధోరణి వల్ల విమర్శలకు పదును పెట్టే అవకాశం లభించలేదు. మహారాష్ట్ర ప్రభుత్వం వ్యవహరించిన తీరు బాబ్లీ నిర్మాణంలో అక్రమాలున్నాయనే విషయాన్ని బయటపెట్టింది. దీంతో తెరాస, కాంగ్రెసు పార్టీలు కొంత ఇరకాటంలో పడ్డాయి. పైగా, రాష్ట్రవ్యాప్తంగానే కాకుండా ఉప ఎన్నికలు జరుగుతున్న తెలంగాణలో కూడా చంద్రబాబు పార్టీ కార్యకర్తల్లో ఉత్సాహం నింపగలిగారు. ఇది ఉప ఎన్నికల్లో తెలుగుదేశం పార్టీకి లాభిస్తుందా అనేది సందేహమే. అయితే, తెలుగుదేశం పార్టీకి కాస్తా ఓట్ల శాతం పెరిగే అవకాశం లేకపోలేదని కూడా అంటున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X