అమిత్ షా అరెస్టులో కాంగ్రెసు కుట్ర లేదు: పిఎం మన్మోహన్

న్యూఢిల్లీ: గుజరాత్ మాజీ మంత్రి అమిత్ షా అరెస్టులో కాంగ్రెసు కుట్ర లేదని ప్రధాని డాక్టర్ మన్మోహన్ సింగ్ స్పష్టం చేశారు. పార్లమెంటు వర్షాకాలం సమావేశాలకు వచ్చిన ఆయన సోమవారం పార్లమెంటు వెలుపల మీడియా ప్రతినిధులు వేసిన ప్రశ్నలకు స్పందించారు. అమిత్ షా అరెస్టులో కాంగ్రెసు కుట్ర ఉందనే బిజెపి ఆరోపణను ఆయన ఖండించారు. సిబిఐ కాంగ్రెసు బ్యూరో ఆఫ్ ఇన్వెస్టిగేషన్ కాదని ఆయన అన్నారు.

సిబిఐ కాంగ్రెసు బ్యూరో ఆఫ్ ఇన్వెస్టిగేష్ గానీ కాంగ్రెసు అధికార సంస్థ గానీ కాదని ఆయన అన్నారు. సోహ్రబుద్దీన్ బూటకపు ఎన్ కౌంటర్లో అమిత్ షాను సిబిఐ అరెస్టు చేసిన విషయం తెలిసిందే. సోహ్రబుద్దీన్ ఎన్ కౌంటర్ పై సుప్రీంకోర్టు ఆదేశాల మేరకు దర్యాప్తు జరుగుతోందని, దీంతో కేంద్ర ప్రభుత్వానికి ఏ విధమైన సంబంధం లేదని ప్రధాని అన్నారు.