తెలంగాణ ఉప ఎన్నికల్లో క్లీన్ స్వీప్ చేస్తాం: డి. శ్రీనివాస్

నిజామాబాద్: తెలంగాణలో జరుగుతున్న ఉప ఎన్నికల్లో తమ పార్టీ క్లీన్ స్వీప్ చేస్తుందని ప్రదేశ్ కాంగ్రెసు కమిటీ (పిసిసి) అధ్యక్షుడు, నిజామాబాద్ అర్బన్ అభ్యర్థి డి. శ్రీనివాస్ దీమా వ్యక్తం చేశారు. తన భార్యతో కలిసి ఆయన మంగళవారం తన ఓటు హక్కును వినియోగించుకున్న తర్వాత మీడియాతో మాట్లాడారు. తన విజయంపై అనుమానాలు అక్కరలేదని, తాను భారీ మెజారిటీతో గెలుస్తానని ఆయన అన్నారు.

ఇప్పుడు కూడా తనది పెద్ద పదవేనని ఆయన ఒక ప్రశ్నకు సమాధానంగా చెప్పారు. ఓట్ల గల్లంతుపై తనపై విమర్శలు సరి కాదని ఆయన అన్నారు. నిజామాబాద్ అర్బన్ లో శ్రీనివాస్ పై బిజెపి అభ్యర్థి లక్ష్మినారాయణ పోటీ చేస్తున్న విషయం తెలిసిందే.