పాకిస్తాన్ లో కుప్పకూలిన ప్యాసెంజర్ విమానం

ఇస్లామాబాద్: పాకిస్తాన్ ఓ ప్యాసెంజర్ విమానం బుధవారం కుప్ప కూలింది. ఇస్లామాబాద్ సమీపంలోని మర్గల్లా కొండల్లో ఈ విమానం కూలింది. ప్రమాదం జరిగిన సమయంలో విమానంలో 152 మంది ప్రయాణికులున్నారు. మృతుల సంఖ్య తెలియరాలేదు. అధికారులు సహాయక చర్యల్లో నిమగ్నమయ్యారు. విమానం టర్కీ నుంచి ఇస్లామాబాద్ వస్తోంది. పాకిస్తాన్ లో జరిగిన అతి పెద్ద విమాన ప్రమాదంగా దీన్ని భావిస్తున్నారు.

సహాయ చర్యల కోసం హెలికాప్టర్లను రంగంలోకి దించారు. ప్రతికూల వాతావరణమే విమాన ప్రమాదానికి కారణమని అనుమానిస్తున్నారు. ప్రమాద స్థలం వద్ద నుంచి దట్టమైన పొగలు వెలువడుతున్నాయని పాకిస్తాన్ చానెళ్లు వార్తలను ప్రసారం చేస్తున్నాయి. దట్టమైన మేఘాలు అలుముకుని వర్షం పడుతోందని, దానివల్లనే ప్రమాదం సంభవించి ఉంటుందని అంటున్నారు.