మీ ప్రేమకు శిరస్సు వంచి నమస్కారం చేస్తున్నా: వైయస్ జగన్

కాకినాడ: మీ ప్రేమకు శిరసు వంచి నమస్కరిస్తున్నానని కాంగ్రెసు కడప పార్లమెంటు సభ్యుడు వైయస్ జగన్ ఓదార్పు యాత్రకు వచ్చిన ప్రజలను ఉద్దేశించి అన్నారు. తూర్పు గోదావరి జిల్లా నరసరావుపేటలో దివంగత నేత వైయస్ రాజశేఖర రెడ్డి విగ్రహాన్ని జగన్ బుధవారం ఆవిష్కరించారు. విగ్రాహావిష్కరణ అనంతరం ఆయన మాట్లాడారు. వర్షాన్ని కూడా లెక్క చేయకుండా వచ్చిన ప్రేమ, ఆప్యాయతలకు శిరస్సు వంచి నమస్కరిస్తున్నానని ఆయన అన్నారు.

మీ ప్రతి గుండెలో ప్రియతమ నాయకుడు వైయస్ఆర్ పేరు కొట్టుకుంటోందని ఆయన అన్నారు. నాన్న తనకు పెద్ద కుటుంబాన్ని ఇచ్చిపోయారని ఆయన అన్నారు. జగన్ ప్రసంగానికి విశేష ప్రతిస్పందన లభించింది. విద్యార్థులు ఆయన ఆటోగ్రాఫ్ తీసుకున్నారు. జగన్ వెంట మంత్రి పిల్లి సుభాష్ చంద్రబోస్ ఉన్నారు.