వైయస్ రికార్డు బ్రేక్: హరీష్ రావు కు భారీ మెజారిటీ

హైదరాబాద్‌ : మెదక్ జిల్లా సిద్ధిపేట శాసనసభా నియోజకవర్గం నుంచి తెలంగాణ రాష్ట్ర సమితి (తెరాస) అభ్యర్థి తిరుగులేని మెజారిటీతో గెలుపొందారు. ఆయన 95,825 ఓట్ల భారీ మెజారిటీతో విజయం సాధించారు. ఆ రకంగా ఆయన దివంగత ముఖ్యమంత్రి వైయస్ రాజశేఖర రెడ్డి రికార్డును బద్దలు కొట్టారు. గత శాసనసభ ఎన్నికల్లో పులివెందుల నియోజకవర్గంలో వైయస్ రాజశేఖర రెడ్డికి 65 వేల పైచిలుకు మెజారిటీ వచ్చింది.

సిద్ధిపేటలో కాంగ్రెసు, తెలుగుదేశం పార్టీ అభ్యర్థుల డిపాజిట్లు గల్లంతయ్యాయి. హరీష్ రావు మీద తెలుగుదేశం పార్టీ అభ్యర్థిగా పోటీ చేసిన సినీ నటుడు బాబూ మోహన్ ఏ మాత్రం పోటీ ఇవ్వలేకపోయారు. హరీష్ రావు విజయాన్ని అధికారికంగా ప్రకటించారు. సిద్ధిపేటలో పండుగ వాతావరణం నెలకొంది.