రౌండ్ రౌండ్ కూ డిఎస్ కు నిజామాబాద్ అర్బన్ లో షాక్

హైదరాబాద్‌: నిజామాబాద్ అర్బన్ శాసనసభా నియోజకవర్గంలో ప్రదేశ్ కాంగ్రెసు కమిటీ (పిసిసి) అధ్యక్షుడు, కాంగ్రెసు అభ్యర్థి డి. శ్రీనివాస్ కు రౌండ్ రౌండ్ కూ షాక్ తగులుతోంది. రౌండ్ రౌండ్ కు డిఎస్ మెజారిటీ తగ్గుతూ వస్తోంది. బిజెపి అభ్యర్థి లక్ష్మినారాయణ మెజారిటీ పెరుగుతూ వస్తోంది. ఓట్ల లెక్కింపు 11 రౌండ్లు పూర్తయ్యే సరికి లక్ష్మినారాయణ డిఎస్ పై 25 వేల పైచిలుకు మెజారిటీతో కొనసాగుతున్నారు.

రెండు స్థానాల్లో ఇప్పటికే తెలంగాణ రాష్ట్ర సమితి (తెరాస) విజయం సాధించింది. మరో 9 స్థానాల్లో తెరాస ఆధిక్యంలో కొనసాగుతోంది. నిజామాబాద్ అర్బన్ లో విజయం కోసం డిఎస్ సర్వశక్తులు ఒడ్డారు. అయినా ఆయన ఓటమి దిశగా సాగుతున్నారు.