తెలంగాణ తీర్పు సెంటిమెంట్ మాత్రమే: జెసి దివాకర్ రెడ్డి

అనంతపురం: తెలంగాణ ఉప ఎన్నికలలో కాంగ్రెసు పార్టీ ఓటమికి సీమాంద్ర నేతలే కారణమని చెప్పడం మోకాలికి బోడిగుండుకు ముడిపెట్టడమేనని మాజీ మంత్రి జెసి దివాకర్ రెడ్డి అన్నారు. ఫలితాలు తెలంగాణ భావోద్వేగాలతో ముడిపడి ఉన్నాయన్నారు. ప్రత్యేక వాదంతో తామూ రాజీనామా చేస్తే లక్షల్లో మెజార్టీ వచ్చేదన్నారు.

కొంతకాలం పాటు వైఎస్ మనిషిగా ఉన్న జెసి దివాకర్ రెడ్డి తనను మంత్రివర్గం నుంచి తీసి వేసిన తర్వాత అసమ్మతివాదిగా మారారు. ఇప్పుడు పూర్తిగా రోశయ్య మనిషిగా ఉంటున్నారు. వచ్చే మంత్రివర్గ విస్తరణలో ఆయనకు బెర్త్ ఖాయమన్న అభిప్రాయముంది.