వైయస్ జగన్ గొంతెమ్మ కోర్కెలు తీర్చలేం: ఆమోస్

హైదరాబాద్: కాంగ్రెసు పార్టీ సీనియర్ నాయకుడు ఆమెస్ బుధవారంనాడు జగన్ వర్గంపై తీవ్రంగా మండిపడ్డారు. జగన్ వర్గం గొంతెమ్మ కోర్కెలను కాంగ్రెసు పార్టీ తీర్చలేదని ఆయన చెప్పారు.పిండప్రదానం చేసినప్పుడు కాకులు అరుస్తాయని, అటువంటి అరుపులకు సమాధానం చెప్పవలసిన అవసరం పార్టీకి లేదని ఆయన అన్నారు. పార్టీ ద్వారా పదవులు పొందినప్పుడు పార్టీకి విధేయులుగా ఉండాలని ఆయన అన్నారు. టీవీ చానెళ్లలో మిత్రులున్నారు కదా అని ఇష్టం వచ్చినట్లు మాట్లాడడం సరి కాదని ఆయన అన్నారు.

వైయస్ హయాంలో పేదలకు యాభై గజాలు స్థలం ఇచ్చి హైదరాబాదులోని జుబిలీ హిల్స్‌లో తాను ఐదు ఎకరాలలో ఇల్లు కట్టుకుంటే అది పేదలకు సేవ చేసినట్టా అని ఆయన ప్రశ్నించారు. అసలు 2004లో వైయస్ ఆస్తులు ఎంత, ఇప్పుడు ఎంత ? అని కూడా ఆయన ప్రశ్నించారు. ఈ విషయాలపై సందేహాలు ఉన్నందుపల్ల విచారణ జరపాలని ఆయన కోరారు.