లిక్కరుకు చంద్రబాబు నాయుడు గేట్లు తెరిచారు: చిరంజీవి

హైదరాబాద్‌: మద్యానికి తెలుగుదేశం ప్రభుత్వ హయాంలో అప్పటి ముఖ్యమంత్రి నారా చంద్రబాబు నాయుడు గేట్లు తెరిచారని ప్రజారాజ్యం పార్టీ అధ్యక్షుడు నారా చంద్రబాబు నాయుడు విమర్సించారు. మద్యంపై నియంత్రణపై నిబంధనలను చంద్రబాబు సడలించారని, మద్యం అమ్మకాల ద్వారా ఆదాయం పెంచుకోవడం ప్రభుత్వం అప్పటి నుంచే ప్రారంభించిందని ఆయన అన్నారు. గురువారం మహిళారాజ్యం సమావేశంలో ఆయన ప్రసంగించారు. ఆదాయం కోసం మద్యంపై ఆధారపడకుండా గనులు అన్యాక్రాంతాన్ని అరికట్టి ఆదాయం పెంచుకోవాలని ఆయన ప్రభుత్వానికి సూచించారు.

మద్యం బాటిళ్లపై పుర్రెగుర్తు ముద్రించాలని ఆయన కోరారు. మద్యానికి వ్యతిరేకంగా మహిళలు ఉద్యమించాలని ఆయన సూచించారు. తనకు కార్యకర్తలకు మధ్య గ్యాప్ పెరిగిన మాట వాస్తవమేనని ఆయన అంగీకరించారు. ప్రతి సమస్యపై ఇక తాను అందుబాటులో ఉంటానని ఆయన చెప్పారు. ఈ సమావేశంలో చిరంజీవికి బహిరంగ లేఖ రాసిన మహిళారాజ్యం మాజీ అధ్యక్షురాలు శోభారాణి కూడా పాల్గొన్నారు.