• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్ ను రెచ్చగొట్టేందుకే హై కమాండ్ యాక్షన్

By Pratap
|

YS Jagan
హైదరాబాద్: ధిక్కార స్వరం వినిపిస్తున్న కడప పార్లమెంటు సభ్యుడు వైయస్ జగన్ ను రెచ్చగొట్టే వ్యూహాన్నే కాంగ్రెసు అధిష్టానం నిర్ణయించుకున్నట్లు అర్థమవుతోంది. తద్వారా జగన్ తీవ్రమైన చర్య తీసుకునేలా చేయాలని హైకమాండ్ అనుకుంటున్నట్లు విశ్లేషిస్తున్నారు. ఇందులో భాగంగానే ముఖ్యమంత్రి కె. రోశయ్యపై విమర్శలు చేసిన శాసనసభ్యురాలు కొండా సురేఖపై అధిష్టానం అతి వేగంగా స్పందించి షోకాజ్ నోటీసు ఇచ్చినట్లు చెబుతున్నారు. అంబటి రాంబాబును సస్పెండ్ చేసినప్పుడు తనకు సహనం ఎంత కాలం ఉంటుందో చెప్పలేనని జగన్ చేసిన వ్యాఖ్యను అధిష్టానం పరిగణనలోకి తీసుకునే దాన్నే ఆయుధంగా ఎంచుకున్నట్లు సమాచారం.

జగన్ వర్గానికి చెందిన గట్టు రామచందర్ రావును చెప్ప పెట్టకుండా కిసాన్ సెల్ పదవి నుంచి తప్పించారు. గీత దాటి వ్యవహరిస్తూ జగన్ కు కొమ్ము కాస్తున్న నాయకులను ఏ మాత్రం సహించబోమని కొండా సురేఖకు నోటీసు జారీ చేయడం ద్వారా అధిష్టానం ఓ హెచ్చరిక చేసినట్లు కూడా తెలుస్తోంది. తన వర్గానికి చెందినవారి చేత వరుసగా ముఖ్యమంత్రిపై విమర్శలు చేయిస్తూ తన వర్గానికి అన్యాయం జరిగిందని చెప్పుకోవడానికి అవకాశం తీసుకోవాలని యోచిస్తున్న జగన్ ను రెచ్చగొట్టడమే ధ్యేయంగా అధిష్టానం కదులుతున్నట్లు చెబుతున్నారు. సెప్టెంబర్ 2వ తేదీ నాటికి కాంగ్రెసు రాజకీయాలు రసకందాయంలో పడతాయని భావిస్తున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X