• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వైయస్ జగన్ తో కెవిపి రామచందర్ రావు భేటీ: భవిష్యత్తు వ్యూహంపై చర్చ

By Pratap
|

KVP Ramachandar Rao
న్యూఢిల్లీ: శాసనసభ్యురాలు కొండా సురేఖపై పార్టీ అధిష్టానం చర్యలు తీసుకున్న నేపథ్యంలో కడప పార్లమెంటు సభ్యుడు వైయస్ జగన్ తో పార్లమెంటు సభ్యులు కెవిపి రామచందర్ రావు, సబ్బం హరి భేటీ అయ్యారు. వారిద్దరు జగన్ తో చర్చలు జరిపారు. భవిష్యత్తుపై వారు జగన్ తో భవిష్యత్తు వ్యూహంపై చర్చలు జరిపినట్లు తెలుస్తోంది. పార్లమెంటు సభ్యురాలు కిల్లి కృపారాణి కూడా జగన్ వద్దకు వచ్చినప్పటికీ ఆమె చర్చల్లో పాల్గొనలేదని తెలుస్తోంది. జగన్ కాంగ్రెసు అధిష్టానం మాట వింటే మంచిదనే ఉద్దేశంతో కెవిపి రామచందర్ రావు ఉన్నారు. కానీ, జగన్ ఆయన మాట వినడం లేదని అంటున్నారు. మరోసారి జగన్ కు నచ్చజెప్పడానికే కెవిపి, సబ్బం హరి ప్రయత్నాలు చేసినట్లు తెలుస్తోంది.

తాము తాజా పరిణామాలపై సీరియస్ గా చర్చించలేదని సబ్బం హరి ఓ టీవీ చానెల్ ప్రతినిధితో అన్నారు. అయితే చర్చ జరిగిన విషయాన్ని ఆయన పూర్తిగా కొట్టేయలేదు. బహిరంగ లేఖ రాస్తున్న విషయాన్ని సురేఖ జగన్ కు ముందు చెప్పలేదని ఆయన అన్నారు. జగన్ విషయంలో పార్టీ అధిష్టానం పూర్తిగా సమీక్షిస్తుందని, అందరి అభిప్రాయాలూ తీసుకుంటుందని ఆయన అన్నారు. జగన్ పై వస్తున్న ఫిర్యాదుల్లోని నిజానిజాలను తేల్చుకుంటుందని ఆయన అన్నారు. కొండా సురేఖ విషయంలో జరిగిన పరిణామాల పట్ల జగన్ ఆవేదన చెందుతున్నారని ఆయన చెప్పారు. తాజాగా అంబటి రాంబాబు పార్టీ పెద్దలపై ధ్వజమెత్తిన నేపథ్యంలో జగన్ వెనక్కి తగ్గే సూచనలు కనిపించడం లేదని రాజకీయ వర్గాలంటున్నాయి.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X