మావోయిస్టులను మట్టుబెట్టేందుకు అగ్నివేష్ పావు?

హైదరాబాద్‌: తమను మట్టుబెట్టేందుకు అగ్నివేష్ ను కేంద్ర హోం మంత్రి చిదంబరం పావుగా వాడుకుంటున్నారని మావోయిస్టు కేంద్ర కమిటీ ఆరోపించింది. ఈ మేరకు మావోయిస్టు కేంద్ర కమిటీ శ్రీకాంత్ పేర అగ్నివేష్ కు ఓ బహిరంగ లేఖ రాసింది. చిదంబరాన్ని ఏ పరిస్థితిలోనూ నమ్మవద్దని మావోయిస్టు కేంద్ర కమిటీ అగ్నివేష్ కు సూచించింది. చిదంబరం మోసానికి బలి కావద్దని కూడా చెప్పింది. చర్చల కోసం మధ్యవర్తి పేరుతో అగ్నివేష్ ను మావోయిస్టులను అంతం చేసే వంచనకు చిదంబరం పూనుకున్నారని విమర్శించింది. చర్చల పట్ల అగ్నివేష్ కు, తమకు మాత్రమే చిత్తశుద్ధి ఉందని, కేంద్ర ప్రభుత్వానికి లేదని అభిప్రాయపడింది.

ఎపిఎస్ఐబి చేత తమను మట్టుబెట్టేందుకు చిదందరం ప్లాన్ చేశారని చెప్పింది. తమ రక్తం కళ్ల చూసేందుకు ప్రభుత్వం మోసపూరిత ప్రక్రియను ఎంచుకుందని శ్రీకాంత్ విమర్శించారు. చిదంబరం పైకి శాంతి వచనాలు పలుకుతూ క్రిమినల్ ప్లాన్ వేశారని విమర్సించారు. తమ నేత ఆజాద్ ను ఆ విధమైన కుట్రపూరిత ప్లాన్ ద్వారానే హతమార్చారని ఆరోపించారు. చిదంబరం హిట్లర్ లాంటివాడని అభివర్ణించారు.