యువత సినీ నిర్మాత హేమంత్ రామకృష్ణ అరెస్టు

హైదరాబాద్: డ్రగ్ రాకెట్ కేసులో యువత సినిమా నిర్మాత హేమంత్ రామకృష్ణను పోలీసులు శుక్రవారం ఉదయం అరెస్టు చేశారు. ఆయనతో పాటు మరో నలుగురిని పోలీసులు అరెస్టు చేశారు. హేమంత్ రామకృష్ణ నుంచి పోలీసులు కిలో నకిలీ బ్రౌన్ షుగర్ ను స్వాధీనం చేసుకున్నారు. హైదరాబాదులోని కూకట్ పల్లిలో గల అతని నివాసంలో దాన్ని పోలీసులు స్వాధీనం చేసుకున్నట్లు సమాచారం.

హేమంత్ రామకృష్ణ బ్రౌన్ షుగర్ వ్యాపారం చేస్తున్నాడా, నమ్మించి నకిలీ బ్రౌన్ షుగర్ అమ్ముతున్నాడా అనే కోణం నుంచి పోలీసులు దర్యాప్తు చేస్తున్నారు. గుంటూరు జిల్లా తెనాలికి చెందిన హేమంత్ రామకృష్ణ అసిస్టెంట్ డైరెక్టర్ గా సినిమాల్లో తన కెరిరీ ను ప్రారంభించాడు. ఇటీవల అతను యువత సినిమాను నిర్మించాడు. ఆ తర్వాత సినిమాలకు దూరంగా ఉంటున్నాడు. గుంటూరు జిల్లాలో అతనిపై కొన్ని కేసులు ఉన్నట్లు తెలుస్తోంది.