నెల్లూరు జిల్లాలో నేడు మెగాస్టార్ చిరంజీవి పర్యటన

నెల్లూరు: నెల్లూరు జిల్లాలో నేడు చిరంజీవి పర్యటించనున్నారు. దాదాపు ఏడాది తర్వాత నెల్లూరు జిల్లాకు ప్రజారాజ్యం పార్టీ అధినేత, మెగాస్టార్‌ చిరంజీవి రానున్నారు. 2009 సార్వత్రిక ఎన్నికల అనంతరం ఆయన జిల్లాకు రావడం ఇదే. ఆది, సోమవారాల్లో ఆయన జిల్లాలో విస్తృతంగా కావలి మొదలు వెంకటగిరి వరకు పర్యటిస్తారు. తమ అధినేత పర్యటనను విజయవంతం చేసేందుకు ఆ పార్టీ శ్రేణులు, అభిమానులు ఘనంగా ఏర్పాట్లు చేశారు.

ప్రజాచైతన్య యాత్ర పేరుతో జిల్లా పర్యటనకు చిరంజీవి రావడంపట్ల పార్టీ వర్గాల్లో ఉత్సాహాన్ని నింపుతోంది. త్వరలో జరగనున్న మున్సిపల్‌ ఎన్నికలే లక్ష్యంగా చిరంజీవి ప్రజాచైతన్య యాత్ర కొనసాగనుంది. నెల్లూరు నగరంలో రోడ్డు షో ఏర్పాటు చేయడం గమనార్హం. కావలి, గూడూరు, వెంకటగిరి పట్టణాల్లో సభలను ఏర్పాటు చేశారు. మద్య నియంత్రణ, స్థానిక సమస్యలను ఈ పర్యటనలో ప్రస్తావించనున్నారు.