• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్ కు చిరంజీవి భయపడి వెనక్కి తగ్గారా?

By Pratap
|

Chiranjeevi
హైదరాబాద్: కాంగ్రెసు పార్లమెంటు సభ్యుడు వైయస్ జగన్ పై ఆరోపణల నుంచి ప్రజారాజ్యం పార్టీ అధ్యక్షుడు చిరంజీవి ఎందుకు వెనక్కి తగ్గారనేది అందరినీ ఆశ్చర్యపరుస్తున్న విషయం. బయ్యారం గనులను ప్రస్తావిస్తూ చిరంజీవి చేసిన అవినీతి ఆరోపణలు ఆదివారం సాయంత్రం తీవ్ర సంచలనం కలిగించాయి. ఆయన నేరుగా జగన్ పేరు ప్రస్తావించలేదు. కానీ ఆయన జగన్ ను ఉద్దేశించి ఆ వ్యాఖ్యలు చేశారనేది స్పష్టంగానే తెలిసిపోయింది. ఆ వ్యాఖ్యలను టీవీ చానెళ్లు ప్రధానంగా ప్రసారం చేయడంతో చిరంజీవి వెంటనే వెనక్కి తగ్గారు. తర్వాత మీడియా సమావేశం ఏర్పాటు చేసి తాను జగన్ ను ఉద్దేశించి వ్యాఖ్యలు చేయలేదని వివరణ ఇచ్చుకున్నారు. సోమవారం ఉదయం మరోసారి దానిపైనే వివరణ ఇచ్చారు. తాను ఏ ఒక్క వ్యక్తిని ఉద్దేశించి వ్యాఖ్యానించలేదని, జగన్ ను ఉద్దేశించి ఆ ఆరోపణలు చేయలేదని ఆయన చెప్పారు.

జగన్ వర్గానికి భయపడి చిరంజీవి వెనక్కి తగ్గారనే ప్రచారం సోమవారం ఊపందుకుంది. చిరంజీవి ఈ మధ్య కాలంలో కడప జిల్లాలో పర్యటించాల్సి ఉంది. తన వ్యాఖ్యల వల్ల ఆ పర్యటనకు ఆటంకాలు ఏర్పడతాయనే భయంతోనే చిరంజీవి వెనక్కి తగ్గినట్లు చెబుతున్నారు. దానికితోడు, చిరంజీవి స్వభావం కూడా వెనక్కి లాగేలా చేసిందనే వ్యాఖ్యలు వినిపిస్తున్నాయి. సహజంగానే చిరంజీవిది ప్రతి విషయంలోనూ ఊగిసలాట ధోరణి. ఆ ఊగిసలాటనే ఇందుకు దారి తీసిందని అంటున్నారు. జగన్ పై చేసిన వ్యాఖ్యలు తీవ్ర దుమారం రేపుతాయనే విషయం చిరంజీవికి అర్థమైంది. ప్రతి చోటా ఆ వివాదం గురించి ప్రస్తావన వస్తుందని, దానికి కట్టుబడి మాట్లాడడం కష్టమని ఆయన భావించి ఉంటారు. అందుకే ఆయన తన వ్యాఖ్యల ప్రాధాన్యాన్ని తగ్గించేందుకు పూనుకున్నట్లు చెబుతున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X