రాహుల్ గాంధీ వైయస్ జగన్ వైపు నిలబడ్తారా?

న్యూఢిల్లీ: కడప పార్లమెంటు సభ్యుడు వైయస్ జగన్ వ్యవహారంలో కాంగ్రెసు పార్టీ అధ్యక్షురాలు సోనియా గాంధీ కుమారుడు, పార్లమెంటు సభ్యుడు రాహుల్ గాంధీ రంగంలోకి దిగారు. వైయస్ జగన్ వైపు రాహుల్ నిలబడ్తారా, లేదా అనేది ఇప్పుడు చర్చనీయాంశంగా మారింది. నిజానికి జగన్ వ్యవహారం పట్ల రాహుల్ తీవ్ర ఆగ్రహంతో ఉన్నట్లు వార్తలు వచ్చాయి. ఈ స్థితిలో రాహుల్ తరఫున ఆంధ్రప్రదేశ్ వ్యవహారాలను పర్యవేక్షిస్తున్న సందీప్ దీక్షిత్ తెర మీదికి వచ్చారు. సందీప్ దీక్షిత్ ను సోమవారం వైయస్ జగన్ కలుస్తున్నారు.

సందీప్ దీక్షిత్ తో భేటీలో జగన్ ఏం చెప్తారనేది ఆసక్తికరంగా మారింది. నిజానికి, జగన్ ధిక్కారానికే మొగ్గు చూపుతున్నట్లు వార్తలు వస్తున్నాయి. ఈ స్థితిలో సందీప్ పాటిల్ జగన్ ను బుజ్జగించడానికి ప్రయత్నిస్తారా లేదా జగన్ వాదనను విని రాహుల్ కు నివేదిస్తారా అనేది చూడాల్సి ఉంది.