• search
  • Live TV
నెల్లూరు వార్తల కోసం
నోటిఫికేషన్స్ పై క్లిక్ చేయండి  

నాకేమీ తెలియదు: లీలావతిపై వేధింపుల కేసులో సినీ నటి ఆమని

By Pratap
|

Amani
నెల్లూరు: వరకట్న వేధింపుల కేసులో సినీనటి ఆమని మంగళవారం నెల్లూరు ఐదవ అదనపు మేజిస్ట్రేట్‌ కోర్టులో లొంగిపోయి బెయిల్‌ తీసుకున్నారు. తనను అనవసరంగా ఈ కేసులో ఇరికించారని, తనకు ఏ పాపమూ తెలియదని ఆమని మీడియా ప్రతినిధులతో అన్నారు నెల్లూరు మెక్లిన్స్‌ రోడ్డు ప్రాంతవాసి లీలావతి గతనెలలో ఆమని కుటుంబ సభ్యులు తనను వేధిస్తున్నారని, అదనపు కట్నం కావాలని వత్తిడి తెస్తున్నారని మహిళా పోలీస్‌ స్టేషన్‌లో ఫిర్యాదు చేసిన విషయం తెలిసిందే. ఆమని సోదరుడు శ్రీనివాసరావుకు 15 ఏళ్ల క్రితం లీలావతితో వివాహమైంది. ప్రస్తుతం వారు చెన్నైలోని టి నగర్‌ లో కాపురం ఉంటున్నారు.

ఇటీవల శ్రీనివాసరావు కళావతి అనే మహిళను రెండవ వివాహం చేసుకుని తనను వదిలించుకునేందుకు ప్రయత్నం చేస్తున్నారని అందుకు ఆయన సోదరి ఆమని, తల్లి సరోజ,రెండవ భార్య కళావతిలు సహకరిస్తూ వేధిస్తున్నారని ఫిర్యాదులో పేర్కొంది. ఈ మేరకు గత నెల 24న నెల్లూరు మహిళా పోలీస్‌ స్టేషన్‌ సిఐ తమ సిబ్బందితో చెన్నైకు చేరుకుని ఆమని సోదరుడు శ్రీనివాసరావు, తల్లి సరోజ, రెండవ భార్య కళావతిలను అదుపులోకి తీసుకున్నారు. ముందే సమాచారం తెలియడంతో ఆమని పరారైంది. ఈ మేరకు ముందస్తు బెయిల్‌ కోసం దరఖాస్తు చేసుకున్న ఆమని మంగళవారం నెల్లూరు కోర్టుకు హాజరై బెయిల్‌ పొందారు. ఆమెతో పాటు గత పది రోజులుగా రిమాండ్‌ లో ఉన్న వారి కుటుంబ సభ్యులకు కూడా కోర్టు బెయిల్‌ మంజూరు చేసింది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X