రాజశేఖర్ దంపతులు అజ్ఝానులు, కిరాయి మనుషులు: పిఆర్పీ

హైదరాబాద్: సినీ దంపతులు రాజశేఖర్, జీవిత కిరాయి తీసుకుని తమ పార్టీ అధ్యక్షుడు చిరంజీవిపై ఆరోపణలు చేస్తున్నారని ప్రజారాజ్యం పార్టీ నాయకులు కోటగిరి విద్యాధర రావు, బూరగడ్డ వేదవ్యాస్, గౌతం విమర్సించారు. చిరంజీవిపై రాజకీయ కుట్ర జరుగుతోందని వారు మంగళవారం మీడియా ప్రతినిధుల సమావేశంలో అన్నారు. ఆ కుట్రలో రాజశేఖర్, జీవిత పావులుగా పని చేస్తున్నారని వారు ఆరోపించారు. కిరాయి మనుషులుగా గంటకు, అర గంటకు ఇంత అని చెప్పి డబ్బులు తీసుకుని జీవిత, రాజశేఖర్ మాట్లాడుతున్నారని ఆయన అన్నారు.

జీవిత, రాజశేఖర్ చేస్తున్న ఆరోపణలకు ఆధారాలున్నాయా, వారికి మీడియా ఎక్కడ లేని ప్రచారం కల్పించడమేమిటని వారు ప్రశ్నించారు. అజ్ఞానులైన జీవిత, రాజశేఖర్ లకు న్యూస్ చానెల్ గంటల తరబడి సమయం ఇవ్వడమేమిటని వారు ప్రశ్నించారు. అభిమానుల రక్తాన్ని జీవిత, రాజశేఖర్ లు అవమానిస్తున్నారని వారన్నారు. జీవిత, రాజశేఖర్ లకు రాజకీయ నిలకడ లేదని వారన్నారు.