హరికృష్ణ తండ్రి ఎన్టీఆర్ కే ఎసరు పెట్టాడు: హరీష్ రావు

హైదరాబాద్: తెలుగుదేశం పార్టీ రాజ్యసభ సభ్యుడు హరికృష్ణ తండ్రి ఎన్టీఆర్ కే ఎసరు పెట్టారని తెలంగాణ రాష్ట్ర సమితి (తెరాస) శాసనసభా పక్ష ఉప నాయకుడు హరీష్ రావు విమర్సించారు. పదవి కోసం కన్న తండ్రికే హరికృష్ణ ఎసరు పెట్టారని ఆయన వ్యాఖ్యానించారు. ఉస్మానియా విశ్వవిద్యాలయం ఠాగూర్ ఆడిటోరియంలో గురువారం నూతన విద్యార్థులకు స్వాగతం చెప్పే కార్యక్రమంలో ఆయన ప్రసంగించారు. ఎన్టీఆర్ పై చెప్పులు విసిరినప్పుడు హరికృష్ణ ఎక్కడున్నారని ఆయన ప్రశ్నించారు.

తెలంగాణ కోసం తెలంగాణవాళ్లంతా కలిసి రావాలని తమ పార్టీ నేత కెసిఆర్ చెబుతుంటే దాన్ని హరికృష్ణ తప్పు పడుతున్నారని ఆయన అన్నారు. తెలుగుదేశంలో ఎదిగిన కెసిఆర్ మాతృపార్టీని ఎలా దూషిస్తున్నారని హరికృష్ణ ప్రశ్నిస్తున్నారని, కాంగ్రెసులో పుట్టిన చంద్రబాబు ఆ పార్టీని తిట్టడాన్ని ఎలా చూడాలని ఆయన అన్నారు.