చిరంజీవి బ్లడ్ బ్యాంక్ పై హెచార్సీకి ఫిర్యాదు

హైదరాబాద్: ప్రజారాజ్యం పార్టీ అధ్యక్షుడు చిరంజీవి బ్లడ్ బ్యాంక్ పై హైకోర్టు న్యాయవాది సాయికృష్ణ ఆజాద్ సోమవారం మానవ హక్కుల కమిషన్ కు ఫిర్యాదు చేశారు. చిరంజీవి బ్లడ్ బ్యాంక్ తో పాటు రాష్ట్రంలోని అన్ని బ్లడ్ బ్యాంక్ లపై విచారణ జరిపించాలని ఆయన మానవ హక్కుల కమిషన్ (హెచ్చార్సీ)ని కోరారు. బ్లడ్ బ్యాంక్ లపై ఇటీవల ఆరోపణలు వస్తున్న నేపథ్యంలో ఆజాద్ ఆ ఫిర్యాదు చేశారు.

ముఖ్యంగా చిరంజీవి బ్లడ్ బ్యాంక్ పై తీవ్రమైన ఆరోపణలు వచ్చాయి. తెలుగు సినిమా హీరో రాజశేఖర్, జీవిత దంపతులు చిరంజీవి బ్లడ్ బ్యాంక్ పై ఆరోపణలు చేశారు. ప్రభుత్వం ప్రోత్సహకాలు పొందుతూ చిరంజీవి బ్లడ్ బ్యాంక్ రక్తంతో వ్యాపారం చేస్తోందని వారు ఆరోపించారు.