నాగం జనార్దన్ రెడ్డికి తెలంగాణవాదుల నుంచి చేదు అనుభవం

మహబూబ్ నగర్: తెలుగుదేశం పార్టీ నాయకుడు నాగం జనార్దన్ రెడ్డికి మహబూబ్ నగర్ జిల్లాలో సోమవారం చేదు అనుభవం ఎదురైంది. తెలంగాణవాదులు, తెలంగాణ రాష్ట్ర సమితి (తెరాస) కార్యకర్తలు ఆయనను అడ్డుకున్నారు. మహబూబ్ నగర్ లోని పార్టీ కార్యాలయంలో మీడియా ప్రతినిధులతో మాట్లాడిన తర్వాత ఆయన బయటకు వచ్చారు. ఆర్డీఎస్ వద్దకు బయలుదేరుతుండగా నాగం జనార్దన్ రెడ్డిని వారు అడ్డుకున్నారు.

రాజీనామా చేయాలని వారు నాగం జనార్దన్ రెడ్డిని డిమాండ్ చేశారు. ఆందోళనకారులను సముదాయించడానికి నాగం ప్రయత్నించారు. ఆయన వారు వినలేదు. దీంతో సహనం కోల్పోయారు. మీ నాయకుడు కె. చంద్రశేఖర రావు ఎందుకు రాజీనామా చేయడం లేదని ఆయన తెరాస కార్యకర్తలను ప్రశ్నించారు.