ఆ సీమాంధ్ర మంత్రులపై సోనియాకు చెప్తా: కాకా

హైదరాబాద్‌: రాష్ట్రంలో ఉన్న తాజా పరిణామాలను కాంగ్రెస్‌ వర్కింగ్‌ కమిటీ (సిడబ్ల్యుసి) సమావేశంలో వివరిస్తానని కాంగ్రెసు సీనియర్‌ నేత వెంకటస్వామి అన్నారు. తెలంగాణవాదులను ఉద్దేశించి సీమాంధ్ర మంత్రులు చేసిన వ్యాఖ్యలను సమావేశంలో ప్రస్తావిస్తానని ఆయన సోమవారం మీడియా ప్రతినిధులకు తెలిపారు.

సోమవారం కాంగ్రెస్‌ కమిటీ వర్కింగ్‌ కమిటీ సమావేశం కానున్న నేపథ్యంలో ఆయన ఈ వ్యాఖ్యలు చేశారు. సోనియా గాంధీ నివాసంలో సాయంత్రం 6 గంటలకు ఈ సమావేశం జరగనుంది. శ్రీకృష్ణ కమిటీ నివేదిక ఇచ్చిన వెంటనే తెలంగాణపై నిర్ణయం తీసుకోవాలని కూడా తాను సోనియాను కోరుతానని ఆయన చెప్పారు.