బెంగళూర్ పేలుళ్ల కేసులో పిడిపి నేత మదానీ అరెస్టు

కొల్లం: కొద్దిరోజులుగా పిడిపి అధ్యక్షుడు మదానీ అరెస్టుపై నెలకొన్న ఉద్రిక్త పరిస్థితులకు పోలీసులు తెరదించారు. మంగళవారం కర్ణాటక పోలీసులు మదానీని అరెస్టు చేశారు. 2008 బెంగళూరు బాంబు పేలుళ్ల కేసులో మదానీ నిందితుడు. బెంగళూరులోనే మదానీపై విచారణ జరగుతుందని బెంగళూరు పోలీసు అధికారి తెలిపారు. కేరళ పోలీసుల నుంచి పూర్తి సహకారం అందిందని ఆయన చెప్పారు.

బెంగుళూర్ కోర్టు పెట్టిన గడువు కొన్ని గంటల్లో ముగుస్తున్న స్థితిలో కర్నాటక పోలీసు నాన్ బెయిలబుల్ అరెస్టు వారంట్ ను అమలు చేయడానికి సిద్ధపడ్డారు. మదానీని అరెస్టు చేశారు. మధ్యాహ్నం ప్రార్థనల తర్వాత వాహనంలో బయటకు వచ్చిన వెంటనే మదానీని పెద్ద యెత్తున పోలీసులు చుట్టుముట్టి అదుపులోకి తీసుకున్నారు.