వైయస్ జగన్ కు ఊరట: ఎంపి మేకపాటి రాజమోహన్ రెడ్డి మద్దతు

న్యూఢిల్లీ: పార్టీ అధిష్టానం నుంచి తీవ్ర వ్యతిరేకతను ఎదుర్కుంటున్న కాంగ్రెసు కడప పార్లమెంటు సభ్యుడు వైయస్ జగన్ కు కాస్తా ఊరట లభించింది. నెల్లూరు పార్లమెంటు సభ్యుడు మేకపాటి రాజమోహన్ రెడ్డి వైయస్ జగన్ ఓదార్పు యాత్రకు మద్దతు ప్రకటించారు. ప్రకాశం జిల్లా కందుకూరులో జరిగే జగన్ ఓదార్పు యాత్రలో తాను పాల్గొంటానని ఆయన బుధవారం మీడియా ప్రతినిధులతో చెప్పారు.

జగన్ ను ఆయన ప్రశంసలతో ముంచెత్తారు కూడా. జగన్ క్రమశిక్షణ గల నాయకుడని ఆయన అన్నారు. జగన్ కు మంచి నాయకత్వ లక్షణాలున్నాయని ఆయన కొనియాడారు. ఓదార్పు యాత్రపై అధిష్టానం నుంచి తమకు ఎటువంటి సమాచారం కూడా లేదని ఆయన అన్నారు.