సునంద పుష్కర్ ను పెళ్లి చేసుకున్న శశి థరూర్

పాలక్కడ్: తన ప్రియురాలు సునంద పుష్కర్ ను కేంద్ర మాజీ మంత్రి శశి థరూర్ ఆదివారం ఉదయం వివాహం చేసుకున్నాడు. సంప్రదాయ పద్ధతిలో వారి పెళ్లి జరిగింది. వారిద్దరి పిల్లలే పెళ్లి పెద్దలుగా వ్యవహరించారు. ఇది థరూర్ కు మూడో పెళ్లి కాగా, పుష్కర్ కు రెండో వివాహం. కేరళలోని పాలక్కడ్ కు దాదాపు 30 కిలో మీటర్ల దూరంలో గల ఎల్వాంచేరిలోని థరూర్ పూర్వీకుల ఇంటిలో ఈ వివాహం జరిగింది.

థరూర్ అమ్మమ్మ 92 ఏళ్ల జయశంకరి సమక్షంలో పుష్కర్, థరూర్ ల వివాహం జరిగింది. ఈ వివాహానికి కాంగ్రెసు నాయకులు దూరంగా ఉన్నారు. గత కొద్ది రోజులుగా శశి థరూర్, సునంద పుష్కర్ దేశంలోని పలు దేవాలయాలు సందర్శించారు. పెళ్లి చేసుకుంటున్న సమయంలో పుష్కర్ కంట తడి పెట్టారు.