డ్రగ్స్, వ్యభిచారం: సినీ ఆర్టిస్టులకు నారాయణ బాసట

గుంటూరు: డ్రగ్స్, వ్యభిచారాలకు అలవాటు పడిన సినీ కళాకారులకు సిపిఐ రాష్ట్ర కార్యదర్శి కె నారాయణ మద్దతు పలికారు. కళాకారులకు కొన్ని లోపాలుంటాయని, వాటిని సవరించాల్సిందేనని ఆయన సోమవారం మీడియా ప్రతినిధులతో అన్నారు. కళాకారుల లోపాలను భూతద్దంలో చూపడం సరికాదని ఆయన అన్నారు. కొంత మందిలో లోపాలు ఉన్నంత మాత్రాన వాటిని సినీ పరిశ్రమకు మొత్తానికి ఆపాదించడం మంచిది కాదని ఆయన అన్నారు.

డ్రగ్స్ మూలాలు ఎక్కుడున్నాయో కనిపెట్టి వాటిని రూపుమాపాలని ఆయన అన్నారు. కళాకారుల లోపాలపై అల్లరి చేయకూడదని ఆయన అన్నారు. లోపాలను పరిశ్రమ అంతటికీ ఆపాదించి ప్రభుత్వం తప్పిదాలను కప్పి పుచ్చడం సరి కాదని ఆయన అన్నారు. రాష్ట్ర ప్రభుత్వమే ఓ మాఫియా గ్యాంగ్ లాగా తయారైందని ఆయన అన్నారు.