విశాఖపట్నంలో నేవీ సైలర్ నవీన్ కుమార్ ఆత్మహత్య

విశాఖపట్నం: విశాఖపట్నంలోని ఐఎన్‌ఎస్‌ రాణాలో సైలర్‌గా పనిచేస్తున్న నవీన్‌కుమార్‌ తుపాకీతో కాల్చుకొని ఆత్మహత్యకు పాల్పడ్డాడు. ఉద్యోగంలో ఒత్తిడి తట్టుకోలేక నవీన్‌కుమార్‌ ఆత్మహత్య చేసుకున్నట్లు అనుమానాలు వ్యక్తమవుతున్నాయి. ఈ సంఘటన సోమవారం రాత్రి జరిగింది. అతని మృతదేహాన్ని పోస్టుమార్టం నిమిత్తం విశాఖపట్నంలోని కెజిహెచ్ ఆస్పత్రికి తరలించారు.

నవీన్ కుమార్ తల్లిదండ్రులు నెల్లూరు జిల్లా వెంకటగిరిలో ఉంటారని తెలుస్తోంది. సహచర ఉద్యోగి సర్వీస్ తుపాకీ తీసుకుని అతను ఆత్మహత్య చేసుకున్నాడు. పై అధికారితో అతను తగాదా పడినట్లు తెలుస్తోంది. సోమవారం విన్యాసాలకు వెళ్లినప్పుడు ఈ సంఘటన జరిగినట్లు తెలుస్తోంది. క్రమశిక్షణా చర్యల పేరు మీద వేధిస్తారని మనస్తాపం చెంది అతను ఆత్మహత్య చేసుకున్నట్లు అనుమానిస్తున్నారు.